《生命有價》
盡快將憂愁眼睛 憂愁面容 憂愁內心 拋棄吧
找尋你的微笑嘴巴一同和唱可以嗎？
願你知生命實在亦是有些意外
不用徬徨迷途只須緊記
它有無窮色彩
它有無盡的愛
願憑著自信跨過障礙賽
平時我份人大大咧咧
但其實我都有一段不愉快的往事
有親人因為情緒病睇唔開走
在世的人比起去世的人
個心痛一千倍一萬倍
今日有朋友的朋友 也是因為情緒問題
輕生 放棄了珍貴又短暫的生命
令我明白到生命好脆弱
好似百力滋咁 啪一聲就折斷了
可能脆弱的係人的心
我地每日都有好多唔開心的事會發生
老細照你肺 唔夠錢洗做左月光族
我都會在ward俾老屎忽明屌暗串
多到數都數唔晒
但同樣生命中都有好多令人鼓舞的事
可能好想食個雞煲 就有一班好朋友
唔洗多講 即call即到
簡單放工沖個熱水涼
不停咁大淡大淡啪朱古力落口
好多細膩幸福位 停一停 感受一下
有好多小幸福散落在生命線上
可唔可以在做傻事之前
諗下你幸福感覺的來源
諗下愛你的人 可以嗎？
Search